Abakunzi b’umuziki wa Gospel n’ivugabutumwa batuye muri Canada by’umwihariko mu mujyi wa Ottawa, bagiye kongera guhurira mu giterane gikomeye cyo kuramya no guhimbaza Imana kizahuza abaramyi n’abigisha b’Ijambo ry’Imana bazwi, barimo Ben na Chance, Willy Gakunzi na Pastor Jackson Mugisha.
Iki giterane cyiswe “Let’s Worship Together Conference 2026”, kizaba ku wa 27 Kamena 2026 guhera saa 5:00 PM, kibere kuri 1000 Thomas Spratt Place, Ottawa, Ontario (K1G 5L5). Cyateguwe na Heart of Worship in Action Foundation, kikaba gifite insanganyamatsiko igira iti “The Ancient Path”.
Ben na Chance bazwi cyane mu ndirimbo zo kuramya Imana zakunzwe n’abatari bake, mu gihe Willy Gakunzi na Pastor Jackson Mugisha na bo bazi cyane mu murimo w’ivugabutumwa haba mu Rwanda no yanze yarwo.
Abateguye iki giterane bavuga ko kigamije guhuza abakristo baturutse mu bice bitandukanye bya Canada n’ibindi bihugu, bakagira umwanya wo kuramya no guhimbaza Imana no gukomezanya mu rugendo rujya mu ijuru..
Ku bifuza kuzacyitabira, amatike ya Early Bird yashyizwe ku madolari 40, mu gihe itike isanzwe ari 50$, naho VIP ikaba 70$.
Biteganyijwe ko iki giterane kizitabirwa n’abantu benshi, cyane cyane abakunzi b’umuziki wa Gospel n’abifuza ibihe byo kwegera Imana, kikaba kiri mu bikorwa bikomeje guhuriza hamwe Abanyarwanda n’abandi bakristo batuye muri Canada.
