Women Foundation Ministries n’Itorero Noble Family Church ziyoborwa n’Umushumba Apostle Mignonne Kabera, bubakiye umuturage utishoboye banaremera abasaga ijana mu gikorwa bise Thanksgiving.
Igikorwa cyo gushima Imana bise ‘Thanksgiving in Action’ cyabaye mu gitondo cyo kuri uyu wa Gatanu, Tariki 28 Ugushyingo ku Itorero Noble Church Family Kagugu.
Kitabiriwe n’Umushumba Apostle Mignonne Kabera, ndetse n’abandi bayobozi barimo Umunyamabanga Nshingwabikorwa w’Umurenge Havuguziga Charles, n’abakristo ndetse n’abaturage biganjemo abo muri uyu murenge.
Mu bikorwa byakozwe, guha inzu umuturage utishoboye witwa Mukeshimana dorethée yaguizwe Miliyoni 15frw ituzuye, bavuga ko bagomba kuyivugurura ndetse ikazuzura itwaye agaciro ka Miliyoni 20frw.
Mu bindi bikorwa byakozwe, harimo gukusanya amafaranga miliyoni 30 yo gufasha abadafite ibyo kurya bise ‘feed my sheep center’ ashyikirizwa umunyamabanga nshingwa bikorwa w’umurenge wa Kinyinya. Umushumba wa Women Foundation Ministries na Noble Family Church yashimye Umurenge wa Kinyinya kubwo kubaba hafi mu bikorwa bitandukanye bakora birimo gufasha abatishoboye, kubaremera n’ibindi.
Mu bindi bikorwa, bageneye imiryango 200 yo mu murenge wa kinyinya ibiribwa ndetse n’imyambaro irimo ibitenge kubagore. Apostle Mignonne yanavuze ko mu bikorwa baherutse gukora birimo umubyeyi wari utuye mu murenge wa kinyinya bubakiye Inzu i Gahembe, yatwaye Miliyini 45frw, irimo n’ibikoresho byo mu nzu.
