Iran yongeye gutorerwa umwanya muri komisiyo ya Loni, bitera impaka

Inteko Rusange y’Umuryango w’Abibumbye (Loni) yongeye gutorera Iran kujya muri Komisiyo ishinzwe Gahunda n’Imikoranire, ishinzwe no gutanga umurongo ku bikorwa birimo kurengera uburenganzira bw’abagore no kurwanya iterabwoba.

Iran yabonye amajwi 144 mu matora yabaye mu ibanga ku wa Gatatu, ihabwa manda y’imyaka itatu izatangira muri Mutarama 2027. Icyakora, iki cyemezo cyateje impaka, bitewe n’ibirego iki gihugu gikomeje kuregwa bijyanye no guhohotera uburenganzira bwa muntu.

Ibihugu birimo Canada na Australia byagaragaje ko bitishimiye kongera guha Iran uyu mwanya. Byavuze ko ibikorwa by’ubutegetsi bwa Tehran, birimo guhohotera abaturage no guhungabanya umutekano mu karere, bidakwiye kwirengagizwa mu gihe Loni ishyiraho gahunda zo kurengera uburenganzira bwa muntu.

Umuryango UN Watch na wo wanenze iki cyemezo, uvuga ko guha Iran umwanya muri iyi komisiyo ari uguha icyubahiro ubutegetsi bushinjwa kwica abigaragambya no guhohotera abatavuga rumwe na bwo.

Iyi nkuru yongeye guteza impaka ku ruhare rw’imiryango mpuzamahanga mu kurengera agaciro k’ubuzima bwa muntu, uburenganzira bw’abagore n’ubwisanzure bw’abaturage. Izi ni indangagaciro zigarukwaho no mu nyigisho z’amadini, zishimangira kubaha ubuzima, ubutabera no kutarenganya abandi.

More From Author

Cadette “Umukobwa wa Christo” yahisemo gukoresha amashusho magufi mu gukundisha urubyiruko Yesu

RBC yashishikarije Abanyarwanda kwisuzumisha diabète nibura rimwe mu mwaka

Leave a Reply

Your email address will not be published. Required fields are marked *