Abakunzi b’umuziki wa Gospel n’abifuza kumarana umwanya wihariye n’imiryango yabo bafite impamvu nyinshi zo kutazacikwa na ‘Umuryango Mwiza Live Concert – Season III’, igitaramo cya Family of Singers Choir kizaba kuCyumweru, tariki ya 20 Nzeri 2026, muri Kigali Conference & Exhibition Village (KCEV) ahazwi nka Camp Kigali.
Iki gitaramo gishingiye ku nsanganyamatsiko yo muri Yosuwa 24:15 igira iti: “Ariko jye n’inzu yanjye, tuzakorera Uwiteka.” Ni umwanya uteganyijwe guhuriza hamwe abakunzi b’umuziki wo kuramya no guhimbaza Imana, ariko by’umwihariko ugatanga ubutumwa bwubaka imiryango.
Ikindi gituma iki gitaramo kiba igitegerezanyijwe amatsiko, ni abahanzi bazacyitabira. Family of Singers izafatanya na Israel Mbonyi ndetse na Shalom Choir ADEPR Nyarugenge, ibi bikazatanga umwanya wo kwishimira ibihangano byabo byakunzwe n’abatari bake.
Ku bashaka kumarana n’imiryango yabo umwanya wihariye, iki gitaramo kizaba umwanya mwiza wo gusabana, gusangira umunezero no gukomeza umubano w’abagize umuryango, binyuze mu muziki, kuramya no gutekereza ku gaciro k’umuryango.
Family of Singers Choir iherutse kugirana ikiganiro n’itangazamakuru, aho yagarutse ku myiteguro y’iki gitaramo no ku butumwa bwacyo bwo gukomeza imiryango.
Amatike yamaze kujya ku isoko kandi ashobora kugurwa hifashishijwe urubuga rwa Family of Singers Choir. Abategura iki gitaramo kandi barasaba abakunzi ba Gospel n’imiryango kutazategereza umunsi w’igitaramo, ahubwo bakitegura hakiri kare.
Iki gitaramo kizaba ku cyumweru tariki 20 Nzeri 2026 -Camp Kigali
