Ubushakashatsi bwa Reuters/Ipsos bugaragaza ko hafi kimwe cya kabiri cy’Abakristu b’aba Evangelicals batemeranya n’imyitwarire ya Perezida Donald Trump ku bijyanye n’intambara yo muri Iran n’politiki ye y’abimukira, babona bidahuye n’indangagaciro zabo za gikristu.
Mu bantu 4,531 babajijwe, abangana na 54% bavuze ko gukoresha ingabo muri Iran bidahuye n’uko bumva Ubukristu, mu gihe 41% babona bihuye nabwo. Abandi 51% banenze politiki y’abimukira bavuga ko nayo itajyanye n’indangagaciro za gikristu, naho 44% bayishyigikiye.
Nubwo hari abatanyuzwe, ubusanzwe Trump afite inkunga ikomeye muba Evangelicals kuko 52% bamushyigikiye, nubwo byagabanutse ugereranyije na 61% bari bamushyigikiye mu kwezi kwa Kanama.
Mu bindi, bamwe mu Bakristu n’imiryango ishingiye ku madini banenze politiki y’abimukira bavuga ko ishobora gutuma imiryango irenga miliyoni itandukana, harimo n’abana babura ababyeyi babo kubera kwirukanwa.
